انصار: (د چنګاښ ۳مه)، د افغانستان کرکټ ملي لوبډلې د شل اوریز نړیوال جام په دې لوبه کې استرالیا ته د ۲۱ منډو پر توپیر ماتې ورکړه.
دا د کرکټ په تاریخ کې د اسټرالیا پر وړاندې د افغانستان لومړۍ بریا ده.
په دې لوبه کې افغانستان لومړی توپوهنه وکړه او د ۶ لوبغاړو پر سوځېدو یې ۱۴۸ منډې جوړې کړې.
د استرالیا لوبډلې د ۱۲۷ منډو پر جوړولو خپل ټول لوبغاړي له لاسه ورکړل او د ټاکلي هدف په تر لاسه کولو کې پاتې راغله.
ګلین مکسویل مخکې له دې، چې د ګلبدین نایب له خوا وسوځول شي؛ پر ۴۱ توپونو ۵۹ منډې جوړې کړې،
ګلبدین نایب ټولټال څلور ویکټې واخیستې او د لوبې غوره لوبغاړی ونومول شو. نوین الحق درې او عظمت الله عمرزي، محمد نبي او راشد خان یوه - یوه وېکټه واخیسته.
URL تعقيب: https://www.ansarpress.com/pashto/32174
قرأ
د کرکټ ستوری راشدخان د نړۍ مشرانو ته! زما هېواد له ناورین سره مخ دی، یوازې مو مه پرېږدۍ